എന്നും ഞാൻ നിനക്കൊരു സുഹൃത്തായിരുന്നു
നിന്റെ കരച്ചിലുകളിൽ നിന്റെയൊപ്പം മനസ്സ് വിഷമിപ്പിച്ച ,
നിന്റെ ചിരികളിൽ മനസറിഞ്ഞു സന്തോഷിച്ച
നിന്റെ അലച്ചിലുകളിൽ നിന്നെക്കാളേറെ അലഞ്ഞ ,
നിന്റെ മാത്രം സന്തതസഹചാരി.
ഇന്നലകളിൽ
നിന്നിൽ ഞാൻ തിരഞ്ഞത്
എന്നെ തന്നെയായിരുന്നു .
ആർക്കോ വേണ്ടി നീ നിന്റെ സ്വപ്‌നങ്ങൾ ബലി നൽകിയപ്പോൾ
എനിക്ക് നഷ്ടപെട്ടത്
എന്നെയും, നിന്നെയുമായിരുന്നു .
ഇന്ന്
എന്തിനാണ് നീ എന്നെ തിരയുന്നത് ?
കാലത്തിന്റെ വേഷപകർച്ചകളിൽ
ഞാനും മാറിയിരിക്കുന്നു .
എന്നിട്ടും
ഞാൻ നടക്കുന്ന വഴി
നിനക്ക് പറഞ്ഞു തന്നത്‌ ,
എന്റെ പിറകെ വരുവാനല്ല.
വഴിമാറി നടക്കുവാനാണ്.
ഞാൻ കണ്ടിരുന്ന സ്വപ്‌നങ്ങൾ
നിനക്ക് മുന്നിൽ തുറന്നു പറഞ്ഞത്,
അവയിൽ നീ നിന്നെ തിരയുവാനല്ല .
എന്റെ മൗനം
നിനക്കൊപ്പം ഇനിയൊരിക്കലും
നടക്കാൻ പറ്റില്ലെന്ന മനസിന്റെ ഏറ്റുപറച്ചിലാണ്.
No comments:
Post a Comment